EUTHYNI

EUTHYNI

Graece Εὔθυνοι, in Atheniensium Rep. Magistratus erant, quos cum Logistis, (apud quos rationes gesti sui

Magistratus referebant οἱ εν ἀρχῇ, intra 30. ab abdicato Magistratu dies) eosdem facit Auctor Etymologici; sed aliud docet Philosophus Politic. l. 6. c. ult. e quo tamen colligas, munus illorum a Logistarum munere non multum diversum fuisse. Numero decem erant sicut et Logistae: Harpocration, Ε᾿υθυνοι ὄνομα ἀρχῆς παῤ Α᾿θηναίοις, δεκα τὸν ἀριθμὸν ἀνδρες ἦσαν, παῤ οἷς ἐδίδοσαν οἱ πρεσβεύσαντες ἢ ἄρξαντες ἢ διοικήσαντες τι τῶ δημοσίων τὰς ἐυθύνας. Erantqueve non κληρωτοὶ. i. e. sorte capti, sicut Logistae; sed eligebantur ex optimis quibusque. Et quemadmodum Logistae fuêre, velut novem Archontes, sic Euthyni, tamquam Paredri Archontum, qui Logistis assidentes, ubi iudicatum est, Magistratus potestate decedentes aliquid publico debere, id ab illis exigere soliti sunt. Referebant itaque Magistratus ὑπεύθυνοι ratrones apud Logistas, qui cum Euthynis iudicabant. Vide Sam. Petit. comm. in Legg. Attic. l. 3. tit. 2. et infra in voce Logistae.